Friday, March 11, 2011

རྩོམ་སྒྲིག་པའི་འཆར་སྣང་།

                    རྫོང་ཁ་གོང་འཕེལ་གཏང་གེ།

ཅིག་ཨིནམ་ལས་ རང་གི་གཅེས་པའི་བུ་བཟུམ་སྦེ་ བདག་འཛིན་འཐབ་ཐོག་ལས་ གོང་འཕེལ་གཏང་དགོ་
པའི་ འགན་ཁུར་འདི་ ང་བཅས་འབྲུག་པའི་མི་སེར་ཡོངས་ལུ་ ཕོགཔ་ཨིན་ཟེར་ཞུ་ནི།
ལྷག་པར་དུ་ དུས་ཚོད་ ད་རེས་བཟུམ་ཅིག་ནང་ ནུབ་ཕྱོགས་པའི་ལམ་སྲོལ་ མང་སུ་མང་སུ་ དར་ཁྱབ་
འགྱོ་བའི་དུས་ཚོད་ལུ་ རྫོང་ཁ་ལུ་ སྤྲོ་བ་མ་བསྐྱེད་པར་ ཕྱི་རྒྱལ་ཁབ་ཀྱི་སྐད་དང་ ལམ་སྲོལ་ལུ་རང་ སྤྲོ་བ་
ལེན་སྡོད་པ་ཅིན་ མ་འོངས་པ་ལུ་ ང་བཅས་རའི་རྒྱལ་ཡོངས་སྐད་ཡིག་རྫོང་ཁ་དང་ ལམ་སྲོལ་བཟང་པོ་འདི་
ཚུ་ གནས་སྟངས་ག་ཅི་བཟུམ་ཅིག་ནང་ ཐུག་ནི་ཨིན་ན་ མནོ་བསམ་གཏང་དགོཔ་འདུག་ཟེར་ཞུ་ནི།
དེ་བཟུམ་སྦེ་ མ་འོངས་པའི་འགོ་ཁྲིདཔ་ཟེར་རུང་ ད་རེས་ནངས་པའི་ ན་གཞོན་ཆ་ཁྱབ་ཨིན་ཟེར་ན་ ན་
གཞོན་ཚུ་གིས་ རང་གི་ལམ་སྲོལ་དང་ སྐད་ཡིག་ལུ་ སྤྲོ་བ་མ་ལེན་པར་ ཕྱི་རྒྱལ་གྱི་ལམ་སྲོལ་དང་ ཁ་
སྐད་འདི་ལུ་རང་ སྤྲོ་བ་བསྐྱེད་སྡོད་པ་ཅིན་ ལོག་ཤུལ་ལས་ མ་འོངས་པ་ལུ་ རྒྱལ་ཁབ་རང་བཙན་གྱི་གནས་
སྟངས་ ག་ཅི་བཟུམ་ཅིག་ནང་ཐུག་ནི་ཨིན་ན་ མནོ་བསམ་སྦོམ་གཏང་དགོ་འདུག་ཟེར་ཞུ་ནི།
དེ་མ་ཚད་ སྤྱི་འབྲུག་པའི་མི་སེར་ག་ར་འབད་རུང་ ང་གིས་རྫོང་ཁ་མི་ཤེས་ལོ་ འདི་རྫོང་ཁའི་གསར་ཤོག་
ཨིན་མས་ ང་རྫོང་ཁ་ལྷག་ནི་མེད་ལོ་ཟེར་ ད་ལྟོ་ལས་རང་ རྒྱལ་ཁབ་དང་ མི་སེར་ཚུ་ ཐ་དམ་ཚིག་དང་ བརྩི་
མཐོང་མེད་པའི་ལོ་རྒྱུས་དང་ འབྲུག་པ་གིས་འབྲུག་པ་ བློ་བཙོང་ནི་གི་གཏམ་ཚུ་བཤད་སྡོད་ནི་མེན་པར་ ང་
བཅས་ག་ར་ལགཔ་གཅིག་ཁར་མཐུད་དེ་ རྒྱལ་ཡོངས་སྐད་ཡིག་རྫོང་ཁ་འདི་ ཡར་ངོའི་ཟླ་བ་བཞིན་དུ་ གོང་
འཕེལ་གཏང་གེ་ཟེར་ཞུ་ནི།
ད་རེས་ནངས་པའི་ ན་གཞོན་ཆ་ཁྱབ་རང་འབད་རུང་ ཕྱི་རྒྱལ་གྱི་སྐད་ཡིག་དང་ ལམ་སྲོལ་ལུ་རང་ སྤྲོ་
བ་བསྐྱེད་མ་སྡོད་པར་ ང་བཅས་རའི་ལམ་སྲོལ་དང་ སྐད་ཡིག་ལུ་ཡང་ སྤྲོ་བ་ག་དེ་དྲག་དྲག་བསྐྱེད་གནང་
ཟེར་ཞུ་ནི།
དེ་མ་ཚད་ གཞུང་རང་འབད་རུང་ རྒྱལ་ཡོངས་སྐད་ཡིག་རྫོང་ཁ་གོང་འཕེལ་གཏང་ནི་ལུ་ གཙོ་བོ་བཏོན་པ་
ཅིན་ འཕྲལ་ཕུག་༢ ཀྱི་དོན་ལུ་ ཕན་ཐོགས་བྱུང་ནི་མས་ཟེར་ཞུ་ནི།
དེ་བཟུམ་སྦེ་ སློབ་གྲྭ་ཚུ་ནང་འབད་རུང་ ཆོས་ཚན་ མང་ཤོས་ཅིག་ ཨིང་སྐད་ནང་མ་གཏོགས་ རྫོང་ཁ་གི་
ཆོས་ཚན་དག་པ་ཅིག་ལས་བརྒལ་མེདཔ་ལས་ ཤེས་རིག་གི་ལམ་ལུགས་འདི་ཡང་ དུམ་གྲ་ཅིག་འགྱུར་
བཅོས་འབད་བ་ཅིན་ རྫོང་ཁ་གོང་འཕེལ་གཏང་ནི་ལུ་ ཕན་ཐོགས་ནི་མས་ཟེར་ཞུ་ནི།
དེ་འབདཝ་ལས་ ཐབས་དང་ གནས་སྐབས་སྣ་ཚོགས་བཏོན་ཐོག་ལས་ ང་བཅས་རའི་རྒྱལ་ཡོངས་སྐད་
ཡིག་རྫོང་ཁག་འདི་ ག་དེ་དྲག་དྲག་ཅིག་ གོང་འཕེལ་གཏང་ནི་ལུ་ བརྩོན་ཤུགས་བསྐྱེད་དགོཔ་འདུག་ཟེར་
ཞུ་ནི།
བཀྲིན་ཆེ།

འཛིན་སྐྱོང་མདོ་ཆེན་་་་ སངས་རྒྱས་དབང་འདུས།
བཀོད་ཁྱབ་རྩོམ་སྒྲིག་པ་་་་ བློ་བཟང་རྡོ་རྗེ།
བཟོ་བཀོད་པ་་་ གྲུབ་ཐོབ་དབང་འདུས།
ཚོང་འབྲེལ་འགོ་དཔོན་་་ ཐུགས་རྟེན་རྡོ་རྗེ།

No comments:

Post a Comment